Gangubai Kathiawadi चित्रपटाची बॉक्स ऑफिसवर जादू, पहिल्या दिवशी केली इतक्या कोटींची कमाई!

Gangubai Kathiawadi Box Office Collection : कोरोनानंतरचा हा सर्वात मोठा बॉलिवूड चित्रपट आहे जो पडद्यावर आला आहे. अशा परिस्थितीत बॉक्स ऑफिसवरही या चित्रपटातून चांगलीच कमाई होत आहे. प्रेक्षकांकडून या चित्रपटाचे खूप कौतुक होत असून त्याला चांगला प्रतिसादही मिळत आहे.

Gangubai Kathiawadi Box Office Collection : बॉलिवूड (Bollywood) अभिनेत्री आलिया भट्टचा (Actress Alia Bhatt) ‘गंगूबाई काठियावाडी’ चित्रपट (Gangubai Kathiawadi Movie) नुकताच प्रदर्शित झाला आहे. संजय लीला भन्साळी (Sanjay Leela Bhansali) यांच्या दिग्दर्शनाखाली तयार झालेल्या या चित्रपटाला प्रेक्षकांकडून खूप चांगला प्रतिसाद मिळत आहे. कोरोनानंतरचा हा सर्वात मोठा बॉलिवूड चित्रपट आहे जो पडद्यावर आला आहे. अशा परिस्थितीत बॉक्स ऑफिसवरही या चित्रपटातून चांगलीच कमाई होत आहे. प्रेक्षकांकडून या चित्रपटाचे खूप कौतुक होत असून त्याला चांगला प्रतिसादही मिळत आहे. शुक्रवारी चित्रपटगृहात प्रदर्शित झालेल्या ‘गंगूबाई काठियावाडी’ चित्रपटाने पहिल्याच दिवशी बॉक्स ऑफिसवर जबरदस्त कलेक्शन (Gangubai Kathiawadi Box Office Collection) केले आहे. रिपोर्ट्सनुसार, या चित्रपटाने पहिल्याच दिवशी कोट्यवधींची कमाई केली आहे.

गंगूबाई काठियावाडी चित्रपटाने पहिल्याच दिवशी कोट्यवधींची कमाई केली आहे. बॉक्स ऑफिस इंडियाच्या रिपोर्टनुसार, आलिया भट्टच्या चित्रपटाचे पहिल्या दिवशी जवळपास 9.50 ते 10 कोटी रुपयांची कमाई केली आहे. अशा परिस्थितीत ही चांगली सुरुवात मानली जात असून येत्या काही दिवसांत हा चित्रपट आणखी वेगाने कमाई करेल अशी अपेक्षा व्यक्त केली जात आहे. बॉक्स ऑफिस इंडियाच्या रिपोर्टनुसार, गंगूबाई काठियावाडी चित्रपटाने सुमारे 25 टक्के ओपनिंग केली आहे. जी कोरोना संकटादरम्यान नवीन निर्बंध लक्षात घेता बरीच चांगली आहे. हा चित्रपट आंध्र प्रदेश आणि तेलंगणा राज्यांमध्ये डब केलेल्या तेलुगू भाषेमध्ये देखील प्रदर्शित झाला आहे.

गंगूबाई काठियावाडी हा चित्रपट गंगूबाई काठियावाडी यांच्या ‘द माफिया क्वीन ऑफ मुंबई’ या कथेवर आधारित आहे. चित्रपटाच्या कथेबद्दल सांगायचे झाले तर, करीम लाला गंगूबाईला आपली बहीण मानतो आणि कोणीही तिच्या पाठीशी उभे नसताना तिला साथ देतो. लेखक एस हुसैन झैदी यांनी लिहिलेल्या ‘माफिया क्वीन्स ऑफ मुंबई’ या पुस्तकावर आधारित या चित्रपटाची सध्या जोरदार चर्चा होत आहे. गंगूबाई गुजरातमधील (Gujarat) काठियावाड (Kathiawad) येथील रहिवासी होत्या त्यामुळे तिला गंगूबाई काठियावाडी असे म्हटले जात होते आणि तिला तिच्या पतीने 500 रुपयांना विकले होते. या चित्रपटात अजय देवगणने (Ajay Devgn) करीम लालाची भूमिका साकारली आहे. आलिया भट आणि अजय देवगणसह या चित्रपटात विजय राज, सीमा पाहवा आणि शंतनू महेश्वरी हे महत्त्वाच्या भूमिकेत दिसत आहेत.