7th Pay Commission: या महिन्यात वाढणार केंद्रीय कर्मचाऱ्यांचा पगार, फिटमेंट फॅक्टरवर सरकारचा भर!

केंद्र सरकारच्या कर्मचाऱ्यांसाठी पुन्हा एकदा आनंदाची बातमी येत आहे. आधी महागाई भत्ता (DA), नंतर एचआरए (HRA) आणि टीए (TA) प्रमोशन मिळाल्यानंतर आता नवीन वर्षात पुन्हा पगारवाढीचं गिफ्ट मिळणार आहे.

Published: January 10, 2022 2:22 PM IST

By India.com News Desk | Edited by Chandrakant Jagtap

7th Pay Commission Latest News Today
7th Pay Commission: Diwali Bonus Announced For These Govt Employees

7th Pay Commission: केंद्र सरकारच्या कर्मचाऱ्यांसाठी पुन्हा एकदा आनंदाची बातमी येत आहे. आधी महागाई भत्ता (DA), नंतर एचआरए (HRA) आणि टीए (TA) प्रमोशन मिळाल्यानंतर आता नवीन वर्षात पुन्हा पगारवाढीचं गिफ्ट मिळणार आहे. सरकार फिटमेंट फॅक्टरमध्ये (Fitment Factor) वाढ करण्याच्या तयारीत आहे.

Also Read:

फिटमेंट फॅक्टरमध्ये होणार वाढ

यापूर्वी 2016 मध्ये फिटमेंट फॅक्टर वाढवण्यात आला होता. याच वर्षी सातवा वेतन आयोग लागू करण्यात आला. त्यावेळी कर्मचाऱ्यांचे किमान वेतन थेट 6000 रुपयांवरून 18,000 रुपये करण्यात आले होते. आता सरकार या वर्षी पुन्हा केंद्रीय कर्मचाऱ्यांच्या पगारात वाढ करू शकते. सूत्रांनुसार, या महिन्यात केंद्रीय आणि राज्य कर्मचार्‍यांचे फिटमेंट फॅक्टर वाढू शकते. फिटमेंट वाढल्याने केंद्रीय कर्मचाऱ्यांचे किमान वेतन पुन्हा एकदा वाढणार आहे.

फिटमेंट फॅक्टर म्हणजे काय?

फिटमेंट फॅक्टर हा घटक केंद्रीय कर्मचाऱ्यांच्या पगारात अडीच पटीने वाढ करतो. सातव्या वेतन आयोगाच्या शिफारशींनुसार केंद्रीय कर्मचार्‍यांचे वेतन भत्त्यांव्यतिरिक्त त्यांचे मूळ वेतन आणि फिटमेंट फॅक्टरद्वारे निर्धारित केले जाते.

सरकार करत आहे विचार

केंद्र आणि राज्य सरकारी कर्मचाऱ्यांनी आपला फिटमेंट फॅक्टर 2.57 टक्क्यांवरून 3.68 टक्क्यांपर्यंत वाढवावा अशी मागणी अनेक दिवसांपासून केली आहे. 1 फेब्रुवारीला सादर होणार्‍या अर्थसंकल्पापूर्वी केंद्रीय कर्मचार्‍यांच्या फिटमेंट फॅक्टरवर निर्णय घेतला जाण्याची शक्यता आहे. यानंतर कर्मचाऱ्यांच्या किमान वेतनातही वाढ होईल.

किमान मूळ वेतनावर गणना
किमान मूळ वेतन = रु. 18,000

भत्ते वगळून वेतन = 18,000 X 2.57 = 46,260 रुपये.

26000X3 = रु.78000 3% च्या आधारावर

एकूण = 78000-46,260 = 31,740

कर्मचाऱ्यांच्या एकूण पगारात 31,740 रुपयांची वाढ होणार आहे. ही गणना किमान मूळ वेतनावर करण्यात आली आहे. जास्त पगार असलेल्यांना अधिक फायदे मिळतील.

बजेटमध्ये केला जाऊ शकतो समावेश

केंद्रीय कर्मचाऱ्यांच्या फिटमेंट फॅक्टरला केंद्रीय मंत्रिमंडळाची मान्यता मिळू शकते. अर्थसंकल्पापूर्वी मंत्रिमंडळाच्या मंजुरीनंतर त्याचा अर्थसंकल्पीय खर्चात समावेश केला जाऊ शकतो. पण त्याला मंत्रिमंडळाची मंजुरी मिळाल्यास त्याचा समावेश मसुद्याच्या अर्थसंकल्पात (अर्थसंकल्प 2022) करण्याची विशेष गरज नाही.

किती वाढणार पगार?

फिटमेंट फॅक्टर (केंद्र सरकारी कर्मचारी फिटमेंट फॅक्टर) मंजूर झाल्यास कर्मचाऱ्यांच्या पगारात बंपर वाढ होईल. फिटमेंट फॅक्टर वाढल्याने किमान वेतनही वाढते. सध्या कर्मचाऱ्यांना फिटमेंट फॅक्टर अंतर्गत 2.57 टक्के फिटमेंट फॅक्टरच्या आधारे पगार मिळत आहे. आता ते वाढवून 3.68 टक्के करण्याची चर्चा सुरू आहे.

फिटमेंट फॅक्टर 3 पट वाढवण्यावर भर

सरकारला सातव्या वेतन आयोगाच्या शिफारशी लागू करायच्या आहेत. सरकार फिटमेंट फॅक्टर 3 पट वाढवू शकते. फिटमेंट फॅक्टरमध्ये वाढ झाल्यामुळे कर्मचाऱ्यांचे मूळ वेतन 18000 रुपयांवरून 21000 रुपये होणार आहे. कॅबिनेट सचिवांसोबत झालेल्या कर्मचारी संघटनेच्या बैठकीतही त्यांना आश्वासन मिळाले. सूत्रांनुसार सरकार आता फिटमेंट फॅक्टरवर अधिक लक्ष देत आहे.

ब्रेकिंग न्यूज आणि लाइव्ह अपडेट्ससाठी आम्हाला फेसबुकवर लाईक करा , तसेच ट्विटरवर देखील फॉलो करा. India.Com वर सविस्तर वाचा इतरही ताज्या बातम्या

Published Date: January 10, 2022 2:22 PM IST