7th Pay Commission: होळीपूर्वी केंद्र सरकार कर्मचाऱ्यांना देणार 10 हजार रुपये फेस्टिव्हल अॅडव्हान्स?

7th Pay Commission: सरकार होळीच्या सणापूर्वी केंद्रीय कर्मचाऱ्यांसाठी विशेष उत्सव आगाऊ योजना जाहीर करू शकते. मीडिया रिपोर्ट्सनुसार केंद्र सरकार विशेष फेस्टिव्हल अॅडव्हान्स स्कीमअंतर्गत केंद्रीय कर्मचाऱ्यांना 10,000 रुपये अनुदान देण्याची घोषणा करू शकते.

7th Pay Commission: सरकार होळीच्या सणापूर्वी केंद्रीय कर्मचाऱ्यांसाठी विशेष उत्सव आगाऊ (special festival advance) योजना जाहीर करू शकते. मीडिया रिपोर्ट्सनुसार केंद्र सरकार विशेष फेस्टिव्हल अॅडव्हान्स स्कीमअंतर्गत केंद्रीय कर्मचाऱ्यांना (central employees) 10,000 रुपये अनुदान देण्याची घोषणा करू शकते. सध्या सुरू असलेल्या कोविड-19 (COVID-19) साथीच्या आजारामुळे मंदीचा सामना करण्याच्या प्रयत्नात अर्थव्यवस्थेतील ग्राहक खर्चाला चालना देण्याच्या उद्देशाने केंद्र सरकार हा निर्णय घेऊ शकते.

रिपोर्टमध्ये म्हटले आहे की, आगामी सणांच्या पार्श्वभूमीवर ग्राहकांचा खर्च लक्षात घेता व्याजमुक्त फेस्टिव्हल अॅडव्हान्समुळे (Holi Festival Advance) कर्मचार्‍यांना मोठे प्रोत्साहन मिळेल. सरकार सणासुदीला आगाऊ पैसे देण्याची ही पहिलीच वेळ नाही. 2020 मध्ये अर्थमंत्री निर्मला सीतारामन यांनी राजपत्रित आणि अराजपत्रित कर्मचार्‍यांसाठी पुनरुज्जीवित विशेष महोत्सव आगाऊ योजना जाहीर केली होती.

विशेष उत्सव आगाऊ योजना (7th Pay Commission) मागणीला चालना देण्यासाठी एक वेळचा उपाय म्हणून जाहीर करण्यात आली होती. सर्व केंद्र सरकारी कर्मचाऱ्यांना 10,000 रुपयांचा व्याजमुक्त अॅडव्हान्स मिळवण्याची परवानगी देण्यात आली होती. जी कर्मचारी 31 मार्च 2021 पर्यंत सणाच्या आवडीनुसार खर्च करू शकणार होते. व्याजमुक्त फेस्टव्हल अॅडव्हान्सची रक्कम कर्मचार्‍यांकडून जास्तीत जास्त 10 हप्त्यांमध्ये वसूल केली जाईल.

झी न्यूजमध्ये प्रसिद्ध झालेल्या बातमीनुसार, कर्मचाऱ्यांना आगाऊ मूल्याचे एक प्री-लोडेड रुपे कार्ड प्रदान करण्यात आले. कार्डसाठी बँक शुल्कही सरकार उचलते. रुपे कार्डद्वारे अॅडव्हान्सचे वितरण पेमेंटची डिजिटल पद्धत सुनिश्चित करते. परिणामी कर महसूल मिळतो आणि प्रामाणिक व्यवसायांना प्रोत्साहन मिळते. विशेष उत्सव आगाऊ योजनेचे (SFAS) एकवेळ वितरण अंदाजे 4,000 कोटी रुपये आहे.

7व्या वेतन आयोगाशी संबंधित एका बातमीत, सरकारी कर्मचारीही महागाई भत्त्याच्या वाढीची आतुरतेने वाट पाहत आहेत. यामुळे केंद्र सरकारच्या कर्मचाऱ्यांच्या पगारात मोठी वाढ होणार आहे. सध्या केंद्रीय कर्मचाऱ्यांना 31 टक्के डीए मिळतो. मात्र त्यांना डीएमध्ये आणखी 3 टक्के वाढ अपेक्षित आहे. त्यामुळे एकूण डीए 34 टक्के होईल.

कोविड-19 संकटानंतर सर्वांचे लक्ष सरकारच्या घोषणेकडे लागले आहे. डीए मूळ वेतनाशी गुणाकार करून मोजला जातो. डीएच्या गणनेनुसार, सरकार दर 6 महिन्यांनी डीए बदलत असते. गेल्या वर्षी ऑक्टोबरमध्ये महागाई भत्ता 28 टक्क्यांवरून 31 टक्के करण्यात आला होता.