By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts Cookies Policy.
Petrol Diesel Price Hike : एक दिवसाच्या विश्रांतीनंतर पेट्रोल-डिझेलच्या दरात पुन्हा वाढ, जाणून घ्या आजचे दर!
Petrol Diesel Price Hike : पेट्रोल-डिझेलचे दर गेल्या 137 दिवसांपासून स्थिर होते. पण 22 आणि 23 मार्चला पेट्रोल आणि डिझेलच्या दरामध्ये वाढ झाली. त्यानंतर 24 तारखेच्या विश्रांतनंतर 25 मार्चला पुन्हा पेट्रोल-डिझेलच्या दरामध्ये वाढ झाली आहे.
Petrol Diesel Price Hike : महागाईमुळे (Inflation) सर्वसामान्य जनता आधीच त्रस्त झाली आहे. अशामध्ये दूधाचे (Milk Price) आणि गॅस सिलेंडरचे दर (Gas Cylinder Price) वाढले आहे. गेल्या काही महिन्यांपासून स्थिर असलेल्या पेट्रोल-डिझेल दरवाढीचे (Petrol-Diesel Price Hike) सत्र पुन्हा सुरु झाले आहे. त्यामुळे सर्वसामान्य जनतेच्या खिशाला आणखी फटका बसणार आहे. एका दिवसाच्या विश्रांतीनंतर पेट्रोल-डिझेलच्या दरात आज पुन्हा वाढ झाली आहे. आज पेट्रोल-डिझेलच्या दरामध्ये 83 पैशांनी वाढ करण्यात आली आहे.
पेट्रोलियम कंपन्यांनी (Petroleum companies) आज सकाळी 6 वाजता पेट्रोल-डिझेलचे नवीन दर लागू केले आहेत. गेल्या चार दिवसांत पेट्रोल आणि डिझेलच्या दरामध्ये 2.40 रुपयांनी वाढ झाली आहे. दरवाढीनंतर आता राजधानी दिल्लीमध्ये पेट्रोल 97.81 रुपये प्रति लिटर तर डिझेल 89.07 रुपये प्रति लिटरने विकले जात आहे. तर मुंबईमध्ये पेट्रोल 112.51 रुपये प्रति लिटरने आणि डिझेल 96.70 रुपये प्रति लिटरने विकले जात आहे. तज्ज्ञांनी दिलेल्या माहितीनुसार, पेट्रोल आणि डिझेलच्या दरात सलग अनेक दिवस वाढ होऊ शकते. जागतिक बाजारपेठांत कच्च्या तेलाच्या दरात होणाऱ्या चढ-उतारामुळे भारतातील पेट्रोल-डिझेलची दरवाढ होत असल्याचे केंद्रीय पेट्रोलियम मंत्री हरदीप सिंह पुरी यांनी सांगितले होते.
दरम्यान, पेट्रोल-डिझेलचे दर गेल्या 137 दिवसांपासून स्थिर होते. पण 22 आणि 23 मार्चला पेट्रोल आणि डिझेलच्या दरामध्ये वाढ झाली. त्यानंतर 24 तारखेच्या विश्रांतनंतर 25 मार्चला पुन्हा पेट्रोल-डिझेलच्या दरामध्ये वाढ झाली आहे. 22 आणि 23 मार्चला पेट्रोल आणि डिझेलच्या दरामध्ये 80-80 पैशांनी वाढ करण्यात आली होती. तर आज 83 पैशांनी पेट्रोल आणि डिझेलच्या दरामध्ये वाढ झाली आहे.
Trending Now
प्रमुख शहरातील पेट्रोल-डिझेलचे आजचे दर –
मुंबई –
पेट्रोल – 112.51 रुपये प्रति लिटर
डिझेल – 96.70 रुपये प्रति लिटर
दिल्ली –
पेट्रोल – 97.81 रुपये प्रति लिटर
डिझेल – 89.07 रुपये प्रति लिटर
चेन्नई –
पेट्रोल – 103.67 रुपये प्रति लिटर
डिझेल – 93.71 रुपये प्रति लिटर
कोलकाता –
पेट्रोल – 107.18 रुपये प्रति लिटर
डिझेल – 92.22 रुपये प्रति लिटर
बंगळुरू –
पेट्रोल – 103.11 रुपये प्रति लिटर
डिझेल – 87.37 रुपये प्रति लिटर
ब्रेकिंग न्यूज आणि लाइव्ह अपडेट्ससाठी आम्हाला फेसबुकवर लाईक करा , तसेच ट्विटरवर देखील फॉलो करा. India.Com वर सविस्तर वाचा इतरही ताज्या बातम्या