By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts Cookies Policy.
Petrol Diesel Price Hike : दरवाढीचे सत्र सुरुच! आज पुन्हा पेट्रोल 30 तर डिझेल 35 पैशांनी महागले, जाणून घ्या दर!
Petrol Diesel Price Hike : मागच्या सात दिवसातील ही सहावी दरवाढ आहे. पेट्रोलियम कंपन्यांनी आज सकाळी 6 वाजता पेट्रोल-डिझेलचे नवीन दर लागू केले आहेत. त्यानुसार पेट्रोलमध्ये 30 पैशांची तर डिझेलमध्ये 35 पैशांनी वाढ करण्यात आली आहे.
Petrol Diesel Price Hike : गेल्या काही महिन्यांपासून स्थिर असलेले पेट्रोल-डिझेलच्या दरवाढीचे (Petrol Diesel Price Hike) सत्र पुन्हा सुरु झाले आहे. आज पुन्हा पेट्रोल-डिझेलचे दर (Petrol Diesel Price) वाढले आहेत. मागच्या सात दिवसातील ही सहावी दरवाढ आहे. पेट्रोलियम कंपन्यांनी (Petroleum companies) आज सकाळी 6 वाजता पेट्रोल-डिझेलचे नवीन दर लागू केले आहेत. त्यानुसार पेट्रोलमध्ये 30 पैशांची तर डिझेलमध्ये 35 पैशांनी वाढ करण्यात आली आहे. आज सकाळी 6 वाजल्यापासून हे नवीन दर लागू करण्यात आले आहेत.
नवीन दरवाढीनुसार, मुंबईमध्ये पेट्रोलमध्ये प्रति लिटर 31 पैशांनी तर डिझेलमध्ये प्रति लिटर 37 पैशांनी वाढ झाली आहे. या दरवाढीनुसार आज मुंबईमध्ये एक लिटर पेट्रोलची किंमत (Mumbai Petrol Price) 114.18 रुपये आणि एक लिटर डिझेलची किंमत (Mumbai Diesel Price) 98.46 रुपये झाली आहे. तर दिल्लीत एक लिटर पेट्रोलचा दर (Delhi Petrol Price) 99.41 रुपये आणि डिझेलचा दर (Delhi Diesel Price) 90.77 रुपये प्रति लिटरवर पोहोचले आहे.
देशामध्ये 22 मार्चपासून पेट्रोल-डिझेलच्या दरामध्ये वाढ होण्यास सुरुवात झाली आहे. त्यानंतर फक्त एक दिवस वगळता इतर सर्व दिवस दरवाढीचे सत्र सुरुच आहे. 28 मार्चपर्यंत म्हणजे या सात दिवसांच्या काळामध्ये पेट्रोल 4 रुपयांनी तर डिझेल 4.10 रुपये प्रति लिटरने महागले आहे. तज्ज्ञांनी दिलेल्या माहितीनुसार, आंतरराष्ट्रीय बाजारात (International Market) कच्च्या तेलाच्या दरामध्ये (Crude Oil Price) खूपच वाढ झाली आहे. त्यात रशिया आणि युक्रेन युद्धामुळे (Russia Ukraine War) कच्च्या तेलाच्या आयात-निर्यातीवर परिणाम झाला आहे. ज्याचा परिणाम पेट्रोल-डिझेलच्या किमतींवर झाल्याचे पाहायला मिळत आहे. यासर्व कारणांमुळेच भारतामधअये पेट्रोल-डिझेलच्या दरामध्ये वाढ झाली आहे.
Trending Now
प्रमुख शहरातील पेट्रोल-डिझेलचे आजचे दर –
मुंबई –
पेट्रोल – 114.18 रुपये प्रति लिटर
डिझेल – 98.46 रुपये प्रति लिटर
दिल्ली –
पेट्रोल – 99.41 रुपये प्रति लिटर
डिझेल – 90.77 रुपये प्रति लिटर
चेन्नई –
पेट्रोल – 105.18 रुपये प्रति लिटर
डिझेल – 95.33 रुपये प्रति लिटर
कोलकाता –
पेट्रोल – 108.81 रुपये प्रति लिटर
डिझेल – 93.90 रुपये प्रति लिटर
ब्रेकिंग न्यूज आणि लाइव्ह अपडेट्ससाठी आम्हाला फेसबुकवर लाईक करा , तसेच ट्विटरवर देखील फॉलो करा. India.Com वर सविस्तर वाचा इतरही ताज्या बातम्या