By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts Cookies Policy.
Petrol Diesel Price Hike : इंधनाचा भडका! दहा दिवसांत नवव्यांदा पेट्रोल-डिझेलचे दर वाढले, आतापर्यंत 5.60 रुपयांची वाढ
Petrol Diesel Price Hike : पेट्रोलमध्ये 80 पैशांची तर डिझेलमध्ये सुद्धा 80 पैशांनी वाढ करण्यात आली आहे. आज सकाळी 6 वाजल्यापासून हे नवीन दर लागू करण्यात आले आहेत.
Petrol Diesel Price Hike: पेट्रोल-डिझेलच्या दरवाढीचे (Petrol Diesel Price Hike) सत्र सुरुच आहे. आज पुन्हा पेट्रोल-डिझेलच्या दरामध्ये (Petrol Diesel Price) वाढ झाली आहे. मागच्या दहा दिवसातील ही नववी दरवाढ आहे. पेट्रोलियम कंपन्यांनी (Petroleum companies) गुरुवारी सकाळी 6 वाजता पेट्रोल-डिझेलचे नवीन दर लागू केले आहेत. त्यानुसार पेट्रोलमध्ये 80 पैशांची तर डिझेलमध्ये सुद्धा 80 पैशांनी वाढ करण्यात आली आहे. आज सकाळी 6 वाजल्यापासून हे नवीन दर लागू करण्यात आले आहेत.
Also Read:
- LPG Cylinder Price: दिलासादायक! एलपीजी गॅस सिलेंडरच्या दरामध्ये मोठी कपात, जाणून घ्या नवे दर!
- LPG Cylinder Price: गणेशोत्सवाचं मोठं गिफ्ट! गॅस सिलेंडरचे दर 91.5 रुपयांनी झाले कमी, जाणून घ्या नवे दर!
- GST Rate Hike: आजपासून सर्वसामान्यांच्या खिशावर येणार ताण; अन्नपदार्थ, रुग्णालयातील उपचारासाठी मोजावे लागणार जास्त पैसे!
नवीन दरवाढीनुसार, मुंबईमध्ये मात्र पेट्रोलच्या दरात प्रति लिटर 85 पैशांची तर डिझेलच्या दरामध्ये सुद्धा प्रति लिटर 85 पैशांची दरवाढ झाली आहे. या दरवाढीनुसार आज मुंबईमध्ये एक लिटर पेट्रोलची किंमत (Mumbai Petrol Price) 116.72 रुपये आणि एक लिटर डिझेलची किंमत (Mumbai Diesel Price) 100.94 रुपये झाली आहे. तर दिल्लीत एक लिटर पेट्रोलचा दर (Delhi Petrol Price) 101.81 रुपये आणि डिझेलचा दर (Delhi Diesel Price) 93.07 रुपये प्रति लिटरवर पोहोचले आहे. गेल्या 10 दिवसांत देशाच्या राजधानीचं शहर असलेल्या दिल्लीमध्ये पेट्रोल-डिझेच्या दर 5.60 रुपयांनी महागलं आहे.
देशामध्ये 22 मार्चपासून पेट्रोल-डिझेलच्या दरामध्ये वाढ होण्यास सुरुवात झाली आहे. त्यानंतर फक्त एक दिवस वगळता इतर सर्व दिवस दरवाढीचे सत्र सुरुच आहे. 31 मार्चपर्यंत म्हणजे या दहा दिवसांच्या काळामध्ये पेट्रोल-डिझेल 6.40 रुपये प्रति लिटरने महागले आहे. तज्ज्ञांनी दिलेल्या माहितीनुसार, आंतरराष्ट्रीय बाजारात (International Market) कच्च्या तेलाच्या दरामध्ये (Crude Oil Price) खूपच वाढ झाली आहे. त्यात रशिया आणि युक्रेन युद्धामुळे (Russia Ukraine War) कच्च्या तेलाच्या आयात-निर्यातीवर परिणाम झाला आहे. ज्याचा परिणाम पेट्रोल-डिझेलच्या किमतींवर झाल्याचे पाहायला मिळत आहे. यासर्व कारणांमुळेच भारतामधअये पेट्रोल-डिझेलच्या दरामध्ये वाढ झाली आहे.
प्रमुख शहरातील पेट्रोल-डिझेलचे आजचे दर –
मुंबई –
पेट्रोल – 116.72 रुपये प्रति लिटर
डिझेल – 100.94 रुपये प्रति लिटर
दिल्ली –
पेट्रोल -101.81 रुपये प्रति लिटर
डिझेल – 93.07 रुपये प्रति लिटर
चेन्नई –
पेट्रोल – 107.45 रुपये प्रति लिटर
डिझेल – 97.52 रुपये प्रति लिटर
कोलकाता –
पेट्रोल – 111.35 रुपये प्रति लिटर
डिझेल – 96.22 रुपये प्रति लिटर