Bhaum Pradosh Vrat 2022: आज भौम प्रदोष व्रत, जाणून घ्या शुभ मुहूर्त आणि पूजा-विधी

हिंदू पंचांगानुसार प्रत्येक महिन्याच्या दोन्ही पक्षांत येणाऱ्या त्रियोदशीला प्रदोष व्रत केले जाते. प्रदोष व्रतात भगवान शिव (Lord Shiva) आणि माता पार्वतीची (Mata Parvati) पूजा केली जाते. आज कृष्णपक्षातील त्रियोदशी आहे. त्यामुळे शिव भक्त आज प्रदोष व्रत करतील.

Bhaum Pradosh Vrat 2022: हिंदू पंचांगानुसार प्रत्येक महिन्याच्या दोन्ही पक्षांत येणाऱ्या त्रियोदशीला प्रदोष व्रत केले जाते. प्रदोष व्रतात भगवान शिव (Lord Shiva) आणि माता पार्वतीची (Mata Parvati) पूजा केली जाते. आज कृष्णपक्षातील त्रियोदशी आहे. त्यामुळे शिव भक्त आज प्रदोष व्रत करतील. विशेष म्हणजे यावेळी प्रदोष व्रत मंगळवारी (Tuesday) आल्याने त्याला भौम प्रदोष व्रत असे संबोधले जाते.

तुम्हाला माहित असेलच की, भगवान शिवाला प्रसन्न करण्यासाठी शिवभक्त प्रदोष व्रत करतात. शिव शंकराला प्रदोष व्रत अत्यंत प्रिय आहे. त्यामुळे या दिवशी शिव शंकर आणि माता पार्वतीची पूजा केली जाते. दिवसभर व्रत ठेवले जाते. मनोभावे प्रदोष व्रत केल्यास महादेवाचा आशीर्वाद प्राप्त होतो. भोलेनाथाच्या भक्तांच्या आयुष्यातील कष्ट दूर होतात. त्यांच्या मनातील सर्व इच्छा पूर्ण होतात.

हिंदू पंचागानुसार, त्रियोदशीला भगवान शिवशंकराची कृपादृष्टी होत असते. मंगळवारी आलेल्या प्रदोष व्रताला भौम प्रदोष असे संबोधले जाते.

त्रियोदशी तिथी प्रारंभ- 29 मार्च 2022 (मंगळवार) दुपारी 2 वाजून 38 मिनिटे.
त्रियोदशी तिथी समाप्ती – 30 मार्च 2022 (बुधवार) दुपारी 1 वाजून 19 मिनिटे
पूजेचा शुभ मुहूर्त- 29 मार्च 2022 (मंगलवार) सायंकाळी 6 वाजून 37 मिनिटे ते रात्री 8 वाजून 57 मिनिटे.

प्रदोष व्रताचे महत्व

रवी प्रदोष व्रत – या व्रताने दीर्घायुष्य आणि उत्तम स्वास्थ लाभते.
सोम प्रदोष व्रत – सर्व मनोकामना पूर्ण होतात.
भौम प्रदोष व्रत – असाध्य रोगांपासून मुक्ती मिळते.
बुध प्रदोष व्रत – या दिवशी व्रत केल्याने सर्व इच्छा पूर्ण होतात.
गुरु प्रदोष व्रत – शत्रूंना मात देण्यासाठी या व्रताचे महत्व आहे.
शुक्र प्रदोष व्रत – सुख, समृद्धी आणि आनंदी दांम्पत्य जीवनासाठी हे व्रत केले जाते.
शनी प्रदोष व्रत – हे व्रत पुत्र प्राप्तीसाठी केले जाते अशी पुराणानुसार सर्वसाधारण मान्यता आहे.

ज्योतिषशास्त्रात कर्जातून सुटका होण्यासाठी काही उपाय सांगितले आहे. भौम प्रदोष व्रत केल्याने कर्जातून सुटका तसेच सुदृढ आरोग्याचा देखील लाभ होतो. या व्रताला भौम प्रदोष व्रत किंवा मंगळ प्रदोष व्रत देखील म्हटले जाते. त्यानुसार आज (15 मार्च) भौम प्रदोष व्रत आहे. या दिवशी काही ज्योतिष उपाय केल्यास धन संबंधी समस्यावर (Financial Crisis) मार्ग निघतो.