Chaitra Navratri 2022 : दोन दिवसांनी सुरू होणार चैत्र नवरात्री; जाणून घ्या आदिशक्तीचे स्वरूप आणि पूजनाचा दिवस

यंदा दुर्गा देवीचे आगमन घोड्यावर होत असून प्रस्थान म्हशीच्या सवारीवर होईल. घोडा हा युद्धाचं प्रतिक आहे. अशात  सत्ताधाऱ्यांना विरोधाचा सामना करावा लागेल. तर म्हशीची सवारीचा अर्थ रोग, कष्ट वाढणे असा असून लोकांना आरोग्याविषयी जागृक राहण्याची आवश्यकता आहे.

Chaitra Navratri 2022 : हिंदू पंचांगनुसार (Panchang) यावर्षी 2 एप्रिल 2022 पासून चैत्र नवरात्री (Chaitra Navratri) सुरु होत असून 11 एप्रिल 2022 रोजी समाप्त होत आहे. पवित्र अशा या नवरात्रीमध्ये  9 दिवस भक्तांकडून माता दुर्गाची (Durga Devi) पूजा केली जाते. यंदा दुर्गा देवीचे आगमन घोड्यावर होत असून प्रस्थान म्हशीच्या सवारीवर होईल. घोडा हा युद्धाचं प्रतिक आहे. अशात  सत्ताधाऱ्यांना विरोधाचा सामना करावा लागेल. तर म्हशीची सवारीचा अर्थ रोग, कष्ट वाढणे असा असून लोकांना आरोग्याविषयी जागृक राहण्याची आवश्यकता आहे. दरम्यान, विधिवत घटस्थापणा करून पूजा विधी केल्यास समस्या दूर होत मनातील  ईच्छा पूर्ण होतात अशी श्रद्धा आहे. त्यानुसार जाणून घेऊया घटस्थापनेचा मुहूर्त आणि पूजा विधी आणि आदिशक्ती दुर्गा देवीचे 9 रूपे आणि पूजन  दिन बाबत.

घटस्थापना मुहूर्त

पंचांगानुसार चैत्र नवरात्रीसाठी घटस्थापना मुहूर्त शुक्ल पक्ष प्रतिपदा तिथीला आहे. त्यानुसार घटस्थापना शुभ मुहूर्त 2 एप्रिल रोजी सकाळी 6:10 मिनिटांपासून ते 8 वाजून 31 मिनिटांपर्यंत आहे. दरम्यान, काही कारणास्तव घटस्थापनेला उशीर झाल्यास दुपारी 12 ते 12:50 वाजेदरम्यान, घटस्थापना करू करू शकतात.

अशी करा घटस्थापना

यादिवशी सकाळी लवकर उठून अंघोळ केल्यानंतर स्वच्छ कपडे घाला. पूजा स्थळ किंवा मंदिराची साफसफाई करून खाली लाल कापडा टाका. त्यानंतर अक्षदा ठेवा. त्यानंतर धान्य टाकून त्यावर पाण्याने भरलेला कळस ठेवावा. कळसावर स्वस्तिक काढा. कळसामध्ये सुपारी, नाणे आणि अक्षदा टाका. त्यानंतर नारळाला कापड गुंढाळून ते नारळ कळसावर ठेवा. त्यानंतर देवीचे स्मरण करत आवाहन करावे. त्यानंतर दिवा लावून कळसाची आणि दुर्गा मातेचे पूजन करा.

नवरात्रीत या दिवशी होते या देवीची पूजा

नवरात्रीमध्ये आदिशक्ती नवदुर्गाच्या विविध 9 रूपांचे पूजन केले जाते. त्यानुसार जाणून घेऊया कोणत्या दिवाशी कोणत्या स्वरूपाची पूजा केली जाईल.

– 2 एप्रिल- घटस्थापना आणि शैलपुत्री देवीची पूजा.
– 3 एप्रिल- ब्रह्मचारिणी देवीची पूजा.
– 4 एप्रिल- चंद्रघंटा देवीची पूजा.
– 5 एप्रिल – माता कुष्मांडा देवीची पूजा.
– 6 एप्रिल – या दिवशी स्कंदमाताची पूजा केली जाते.
– 7 एप्रिल- कात्यायनी  देवीची पूजा.
– 8  एप्रिल-  कालरात्री देवीची पूजा.
– 9  एप्रिल- महागौरी देवीची पूजा.
– 10 एप्रिल- सिद्धीदात्री देवीची पूजा.