Darsha Amavasya 2022: पितृदोष दूर करण्यासाठी दर्श अमावस्येला अशी करा पूजा, पूर्ण होतील मनातील सर्व इच्छा!

Darsha Amavasya 2022: दर्श अमावास्येला श्राद्ध अमावास्याही म्हणतात. या दिवशी आपले पितरं स्वर्गातून पृथ्वीवर येतात. पितरांना तृप्त करण्यासाठी पूजाविधी देखील केले जातात. तुम्हाला पितृदोषाची समस्या असेल तर ही माहिती तुमच्यासाठी महत्त्वाची आहे.

Darsha Amavasya 2022: हिंदू धर्मात (Hindu Dharma) अमावस्येला (Amavasya) विशेष महत्व आहे. पंचागानुसार  31 मार्चला म्हणजे आज दर्श अमावस्या (Darsha Amavasya) आहे. अमावस्येच्या या दिवशी नदीत स्नान, दान कारण्याची परंपरा आहे. अमावस्येचा दिवस पितरांना समर्पित असतो. दर्श अमावास्येला श्राद्ध अमावास्याही म्हणतात. या दिवशी आपले पितरं स्वर्गातून पृथ्वीवर येतात. पितरांना तृप्त करण्यासाठी पूजाविधी ( Amavasya Puja Vidhi) देखील केले जातात. तुम्हाला पितृदोषाची (Pirtu Dosh) समस्या असेल तर ही माहिती तुमच्यासाठी महत्त्वाची आहे.

आज दुपारी सुरु होत आहे अमावास्या

हिंदू पंचागानुसार फाल्गुन महिन्यातील दर्श अमावस्या आज आहे. आज दुपारी 12:23 वाजता अमावस्या सुरु होत 1 एप्रिल रोजी दुपारी 11:54 वाजेपर्यंत राहील. या दिवशी चंद्र पूर्णपणे नाहीसा होईल. ही अमावस्या कुटुंबातील सर्व मृत पूर्वजणांच्या आत्म्यास शांती मिळावी यासाठी असते. या दिवशी श्रद्धा आणि अमावास्येशी निगडित पूजा केल्यास मृत व्यक्तींच्या आत्म्यास शांती लाभते अशी मान्यता आहे.

हे करा उपाय

पितरांचा आशीर्वाद मिळविण्यासाठी दर्श अमावास्येच्या दिवशी ब्रह्ममुहूर्तला उठून गंगा नदीत स्नान करायचे असते. मात्र प्रत्येकाला हे शक्य नसल्याने या दिवशी स्नान करून गंगाजल प्राशन करावे. त्यानंतर पितरांच्या मुक्तीसाठी व्रत करावा. या व्रताची सुरुवात सकाळापासूनच होते. व्रताच्या दिवशी पूर्वजांच्या शांतीसाठी गरीबांमध्ये वस्तूंचे दान करावे. यासह तीळ दान करावे. यासह ज्यांच्या कुंडलीत चंद्रमा कमकुवत असतो त्यांच्या कामात अडथडे येत असतात. मानसिक आरोग्य देखील बिघडतं अशांनी या दिवशी चंद्र देवाची पूजा करावी. चंद्र देवाच्या पूजेने हे दोष दूर होतात. या दिवशी पिंपळाच्या झाडाखाली मोहरीच्या तेलाचा दिवा लावल्याने लाभ मिळतो. या दिवशी निळे फुल, काळी तीळ आणि मोहरीच्या तेलाने भगवान शनिदेवाची पूजा करणे खूप लाभदायी ठरते. दर्श अमावास्येला हे धार्मिक उपाय केल्यास पूर्वजांच्या आत्म्यास शांती मिळते. यासह परिवारात सुख शांती नांदते अशी मान्यता आहे.

(टीप – या लेखात दिलेली माहिती गृहितके आणि माहितीवर आधारित आहे. india.com याचे समर्थन करत नाही. अधिक माहितीसाठी तज्ज्ञांशी संपर्क साधा.)