Kalashtami 2022: आज आहे कालाष्टमी; जाणून घ्या काळभैरवाच्या पूजेचे महत्व

Kalashtami 2022: पौराणिक मान्यतेनुसार या दिवशी भगवान भैरवनाथाची उपासना केल्यास व्यक्ती भयमुक्त होतो. यासह व्यक्तीच्या जीवनातील समस्यांचा नाश होत सुख शांती प्राप्त होते. त्यानुसार कालाष्टमी व्रत 25 मार्च म्हणजे आज आहे.

Kalashtami 2022: प्रत्येक महिन्याच्या कृष्ण पक्ष (Krishna paksha) ) अष्टमीला (Ashtami) कालाष्टमी (kalashtami) म्हणून ओळखले जाते. पौराणिक मान्यतेनुसार या दिवशी भगवान भैरवनाथाची (bhairavnatha) उपासना केल्यास व्यक्ती भयमुक्त होतो. यासह व्यक्तीच्या जीवनातील समस्यांचा नाश होत सुख शांती प्राप्त होते. त्यानुसार कालाष्टमी व्रत 25 मार्च म्हणजे आज आहे. आज भगवान शंकराचे रौद्ररूप काळभैरवाची पूजा करण्याचे महत्व आहे. भगवान काळभैरव यांना मंत्र-तंत्र देवता देखील मानले जाते.

वर्षात 12 वेळा कालाष्टमी व्रत

वर्षात एकूण 12 वेळा कालाष्टमी व्रत पडतात. तर अधिक माहच्या परिस्थितीत हे व्रत 13 वेळा येतात. सध्या फाल्गुन माह सुरु आहे. या माहला मान्यतेनुसार पवित्र माह मानले जाते. दर महिन्याच्या कृष्ण पक्षाच्या अष्टमीला कालाष्टमी पूजन केले जाते. काळभैरव भगवान व्रत केल्याने व्यक्ती भयमुक्त होत जीवनातून अडचणींचा नाश होतो.

असे आहे पौराणिक महत्व

कालाष्टमीच्या दिवशी भगवान काळभैरव यांची पूजा केल्याने नकारात्मक शक्ती दूर राहतात. तसेच व्यक्तीवर तंत्र-मंत्राचा प्रभाव पडत नाही. यासह व्यक्ती भयमुक्त होतो. मान्यतेनुसार काळभैरव भगवानाची उत्पत्ती भगवान शंकरापासून झाली आहे. भगवान शंकराचे दोन रूप मानले जातात एक बटुकभैरव दुसरे काळभैरव. बटुकभैरव रूप हे सौम्य मानले गेले आहे. तर काळभैरव रूप रौद्र आहे. मान्यतेनुसार कालाष्टमीच्या दिवशी भगवान शंकराने पापींचा नाश केला होता. यासाठी त्यांनी रौद्र रूप धारण केले होते. मासिक कालाष्टमीच्या दिवशी भगवान काळभैरव यांची पूजा रात्रीच्या  वेळेस केली जाते. दरम्यान, रात्रीच्या वेळेस चंद्राला जल अर्पण केल्यानंतरच उपवास पूर्ण होत असल्याची मान्यता आहे.  शास्त्रानुसार या भगवान काळभैरव यांचे विधीवत पूजा आणि उपवास केल्यास भगवान शंकराचा कृपाशिर्वाद प्राप्त होत व्यक्ती भयमुक्त होत त्याची संकटापासून मुक्ती होते.

अशी करा पूजाविधी

– या दिवसी स्नानादी पासून निवृत्त होत व्रत संकल्प घ्यावा.
– मंदिरात जाऊन भगवान काळभैरव, भगवान शंकर आणि माता पार्वतीची पूजा करावी.
– भगवान काळभैरव यांची पूजा रात्रीच्या वेळी केली जाते. त्यामुळे रात्री पुन्हा भगवान काळभैरव यांची पूजा करावी.
– रात्री धूप, दीप, काळे तीळ, उडीद आणि मोहरीच्या तेलाने विधिवत पूजन आणि आरती करावी.
– नैवैद्यामध्ये गुलगुले, हलवा किंवा जिलेबी द्यावे.
– पूजेदरम्यान भैरव चालिसाचे पठण करावे.
– पूजनानंतर नैवद्यातील काही पदार्थ काळ्या कुत्र्याला खाऊ घालावे किंवा कुत्र्याला गोड पोळी खाऊ घालावी. कुत्र्याला भगवान काळभैरव यांचा आभास मानला जातो.