Paush Purnima 2022: पौष पौर्णिमेच्या दिवशी करा हे उपाय, घरावर होईल लक्ष्मीची कृपा, जाणून घ्या काय करावे दान

हिंदू कॅलेंडरनुसार प्रत्येक महिन्याची शेवटची तारीख पौर्णिमा असते आणि त्यानंतर नवीन महिना सुरू होतो. सध्या पौष महिना सुरू आहे आणि 17 जानेवारीला पौष पौर्णिमा आहे. या दिवशी लोक उपवास, स्नान आणि पूजा करण्याला विशेष महत्व आहे.

Paush Purnima 2022: हिंदू कॅलेंडरनुसार प्रत्येक महिन्याची शेवटची तारीख पौर्णिमा असते आणि त्यानंतर नवीन महिना सुरू होतो. सध्या पौष महिना सुरू आहे आणि 17 जानेवारीला पौष पौर्णिमा (Paush Purnima 2022 Date) आहे. या दिवशी लोक उपवास करतात, स्नान करतात आणि पूजा करतात. या दिवशी सूर्यदेव, भगवान विष्णू, लक्ष्मी आणि दुर्गा देवी यांची पूजा केली जाते. हिंदू धर्मात पौर्णिमेला विशेष महत्त्व (Paush Purnima Importance) आहे आणि या दिवशी केलेल्या पूजेमुळे लवकर फलप्राप्ती होते. अनेक लोक या दिवशी गरजूंना दान देतात. त्यामुळे लक्ष्मीचा वास (Lakshmi krupa) घरात होतो असे मानले जाते. मात्र पौष पौर्णिमेला कोणते दान आणि उपाय करावेत (Paush Purnima Upay) हे तुम्हाला माहिती आहे का? नसेल तर जाणून घेऊया….

घराच्या मुख्य प्रवेशद्वारावर तोरण लावा

कोणत्याही शुभ दिवशी किंवा सणाच्या दिवशी घराच्या मुख्य दरवाजावर तोरण लावल्याने घरात सुख-समृद्धी राहते. पौष पौर्णिमेच्या दिवशी दारावर आंब्याचे व अशोकाच्या पानांचे तोरण लावावे. घराच्या मुख्य प्रवेशद्वारावर स्वस्तिक बनवल्यास घरात लक्ष्मीचे आगमन होते.

धन प्राप्तीसाठी करा दान

तुमची आर्थिक स्थिती कमकुवत असेल तर पौष पौर्णिमेला तुम्ही गरजूंना ब्लँकेट, अन्न आणि गूळ दान करा. असे मानले जाते की या दिवशी तांदूळ, तूप, खिचडी आणि तीळ दान केल्याने तुमच्या दीर्घकालीन समस्या संपतात आणि करिअरमध्ये यश मिळते.

चंद्राला दूध आणि तांदूळ अर्पण करा

या दिवशी संततीप्राप्तीसाठी आणि ऋणमुक्तीसाठी कच्च्या दुधात साखर आणि तांदूळ मिसळून चंद्राला अर्पण करावे. पौष महिन्यातील पौर्णिमेच्या दिवशी घरी खीर बनवून भगवान विष्णूला अर्पण करावी. पौष पौर्णिमेच्या दिवशी खीर वाटल्याने ऋणातून मुक्ती होते. शक्य असल्यास या दिवशी पवित्र नदीत दिवा दान करावा.