Saraswati Puja 2022: वसंत पंचमीला करा देवी सरस्वती वंदना! पूर्ण होतील प्रत्येक मनोकामना

Vasant Panchami 2022 : सरस्वती (Saraswati Mata) ही ज्ञान, संगीत, कला, विद्या आणि शिक्षणाची देवी आहे. ती सरस्वती, लक्ष्मी आणि पार्वती या त्रिदेवीपैकी एक आहे. वसंत पंचमीला (Vasant Panchami) म्हणून देवी सरस्वतीचा जन्मदिवस (Saraswati Puja 2022) साजरा केला जातो.

Vasant Panchami 2022 : सरस्वती (Saraswati Mata) ही ज्ञान, संगीत, कला, विद्या आणि शिक्षणाची देवी आहे. ती सरस्वती, लक्ष्मी आणि पार्वती या त्रिदेवीपैकी एक आहे. वसंत पंचमीला (Vasant Panchami) म्हणून देवी सरस्वतीचा जन्मदिवस (Saraswati Puja 2022) साजरा केला जातो. यंदा हे पर्व शनिवार, 5 फेब्रुवारी रोजी साजरे करण्यात येत आहे. विद्यार्थ्यांसाठी हा दिवस खूप महत्त्वाचा आहे. लहान मुलांचे शिक्षण या दिवशी (Saraswati mantra for student) सुरू करू शकतात. या दिवशी देवी सरस्वतीची विधिवत पूजा (Saraswati Puja Shubh Muhurt) केल्यास विद्या आणि ज्ञान स्वरुपात आशीर्वाद मिळतो. पूजेत पुस्तक, वाद्ययंत्र किंवा एखादी कलात्मक वस्तु अवश्य ठेवावी. हिंदुपुरानानुसार या दिवशी सरस्वती स्त्रोत्राचा पाठ केल्यास मनातील सर्व मनोकामना पूर्ण होतात.

असे करा सरस्वती पूजन (Saraswati Puja 2022)

– वसंत पंचमीच्या दिवशी लवकर उठून घरात साफ सफाई करावी. त्यानंतर पूजेची तयारी करावी.
– आंघोळ करण्याआधी अंगाला कडूलिंब आणि हळदीचा लेप लावावा.
– आंघोळ झाल्यानंतर पिवळे किंवा शुभ्र वस्त्र परिधान करावे.
– देवी सरस्वतीची मूर्ती लाकडी पाट किंवा चौरंगावर ठेवावी. बाजूला गणपतीची मूर्ती ठेवावी.
– पूजेत पुस्तक, वाद्य यंत्र किंवा एखादी कलात्मक वस्तु अवश्य ठेवावी.
– हळद, कुंकू, अक्षता आणि फूल देवी सरस्वतीला अर्पण करावे. गणपती पूजन करावे.
– देवी सरस्वती स्त्रोत्राचे पठण करावे. (सरस्वती वंदना खाली दिली आहे.)

हा आहे शुभ मुहूर्त… (Saraswati Puja Shubh Muhurt)

माघ महिन्याच्या (Magh Month) शुक्ल पक्षात येणाऱ्या पंचमीला वसंत पंचमी संबोधले जाते. यंदा शनिवारी, 5 फेब्रुवारीला वसंत पंचमी साजरी करण्यात येत आहे. पंचमील पहाटे 3 वाजून 47 मिनिटांला प्रारंभ होईल. दुसऱ्या दिवशी म्हणजेच 6 फेब्रुवारी 3 वाजून 46 मिनिटांपर्यत समाप्त होईल.

वसंत पंचमीला सरस्वती पूजन सूर्योदयानंतर आणि सूर्यास्ताच्या आधी करणे शुभ मानले जाते. पूजेचा शुभ मुहूर्त सकाळी 7 वाजून 7 मिनिटांपासून दुपारी 12 वाजून 35 मिनिटांपर्यत म्हणजे 5 तास 28 मिनिटांपर्यत राहील.

ही आहे सरस्वती वंदना… (Saraswati mantra for student)

या कुन्देन्दुतुषारहारधवला या शुभ्रवस्त्रावृता।
या वीणावरदण्डमण्डितकरा या श्वेतपद्मासना॥
या ब्रह्माच्युत शंकरप्रभृतिभिर्देवैः सदा वन्दिता।
सा मां पातु सरस्वती भगवती निःशेषजाड्यापहा॥
शुक्लां ब्रह्मविचार सार परमामाद्यां जगद्व्यापिनीं।
वीणा-पुस्तक-धारिणीमभयदां जाड्यान्धकारापहाम्‌॥
हस्ते स्फटिकमालिकां विदधतीं पद्मासने संस्थिताम्‌।
वन्दे तां परमेश्वरीं भगवतीं बुद्धिप्रदां शारदाम्‌॥