Saraswati Pujan 2022: कधी आहे सरस्वती पूजन? जाणून घ्या तिथी, पूजा मुहूर्त आणि महत्त्व

हिंदू दिनदर्शिकेनुसार माघ महिन्याच्या शुक्ल पक्षाच्या पाचव्या दिवशी वसंत पंचमी हा सण साजरा केला जातो. विद्या, वाणी आणि कलेची देवी सरस्वतीची या दिवशी पूजा केली जाते. या दिवसाला सरस्वती पूजा असे देखील म्हणतात.

Saraswati Puja 2022 : हिंदू दिनदर्शिकेनुसार (Panchang) माघ महिन्याच्या शुक्ल पक्षाच्या पाचव्या दिवशी वसंत पंचमी (Vasant Panchami 2022) हा सण साजरा केला जातो. विद्या, वाणी आणि कलेची देवी सरस्वतीची या दिवशी पूजा केली जाते. या दिवसाला सरस्वती पूजा असे देखील म्हणतात. हिंदू धर्मात सरस्वती पूजनाच्या दिवशी मुलांचे शिक्षण किंवा अक्षर ज्ञान सुरू करण्याची परंपरा आहे. वसंत पंचमीला (Basant Panchami 2022) सरस्वती पूजन का केले जाते यामागेही एक पौराणिक मान्यता आहे. चला जाणून घेऊया या वर्षी सरस्वती पूजा कधी आहे? पूजेची वेळ कोणती?

सरस्वती पूजा 2022 तिथी आणि मुहूर्त

पंचांगानुसार माघ महिन्याच्या शुक्ल पक्षातील पंचमी तिथी 5 फेब्रुवारी रोजी (शनिवारी ) पहाटे 03:47 पासून सुरू होत आहे. ती दुसऱ्या दिवशी 6 फेब्रुवारी रोजी (रविवारी) पहाटे 3:46 पर्यंत राहिल. त्यामुळे 05 फेब्रुवारी रोजी सरस्वती पूजन (Saraswati Pujan 2022) केले जाईल. याच दिवशी वसंत पंचमीही साजरी केली जाणार आहे. वसंत पंचमीला सरस्वती पूजनाचा मुहूर्त 5 तास 28 मिनिटे आहे. सरस्वती पूजेचा मुहूर्त 05 फेब्रुवारी रोजी सकाळी 07:07 ते दुपारी 12:35 पर्यंत आहे.

सिद्ध योगात सरस्वती पूजन

यंदाची सरस्वती पूजा सिद्ध योगात (Saraswati Pujan in Siddha Yoga) आहे. 05 फेब्रुवारी रोजी सायंकाळी 05.42 पर्यंत सिद्ध योग आहे. त्यानंतर साध्य योग सुरू होईल. या दिवशी शुभ मुहूर्त दुपारी 12:13 वाजल्यापासून ते 12:57 वाजेपर्यंत आहे. वसंत पंचमीच्या दिवशी दुपारी 04:09 ते दुसऱ्या दिवशी सकाळी 07:06 पर्यंत रवी योग आहे.

वसंत पंचमीला आपण सरस्वती पूजन का करतो?

माघ महिन्याच्या शुक्ल पक्षाच्या पाचव्या दिवशी म्हणजेच वसंत पंचमीला ज्ञान आणि वाणीची देवी सरस्वती ब्रह्मदेवाच्या मुखातून अवतरली होती अशी पौराणिक मान्यता आहे. हा दिवस देवी सरस्वतीच्या पूजेला (Saraswati Puja importance) समर्पित होता. यासाठी दरवर्षी वसंत पंचमीला सरस्वती पूजनाचे आयोजन केले जाते. धार्मिक मान्यतेनुसार वसंत पंचमीला पूजा केल्याने माँ सरस्वती लवकर प्रसन्न होते.