Shattila Ekadashi 2022 : कधी आहे षट्तिला एकादशी? जाणून घ्या तिथी, पूजा विधी आणि महत्त्व

Shattila Ekadashi 2022: माघ महिन्यातील (Magh mahina) कृष्ण पक्षातील (krishn paksh) एकादशीला षट्तिला एकादशी असे संबोधले जाते. पौराणिक माहितीनुसार, या एकादशीला विशेष महत्त्व आहे.

Shattila Ekadashi 2022: माघ महिन्यातील (Magh mahina) कृष्ण पक्षातील (krishn paksh) एकादशीला षट्तिला एकादशी असे संबोधले जाते. पौराणिक माहितीनुसार, या एकादशीला विशेष महत्त्व आहे. यावेळी ही एकादशी 28 जानेवारी 2022 रोजी येत आहे. या एकादशीच्या दिवशी भगवान विष्णूची पूजा (worship of lord vishnu) केली जाते. षट्तिला एकादशीच्या दिवशी भगवान विष्णूला तीळ तसेच तिळाची खिचडी अर्पण केल्याने व्यक्तीच्या जीवनात संकटाचा नाश होत सुख शांती प्राप्त होते. चला तर मग बघू या षट्तिला एकादशीचे महत्त्व, पूजा विधी…

तिळाच्या दानाला आहे महत्त्व

षट्तिला एकादशीच्या व्रतामध्ये (vrat) तिळाचा सहा रूपात वापर करणे अत्यंत फलदायी मानले जाते. या दिवशी तिळाचे दान करणे म्हणजे सोन्याचे (gold) दान करण्यासारखे आहे. तिळाचा उपयोग षट्तिला एकादशी पूजेत केला जातो, हे त्याच्या नावावरून स्पष्ट होते. तिळाचा सहा प्रकारे वापर करण्याचे महत्त्व या दिवशी सांगण्यात आले आहे. तिळाच्या पाण्याने आंघोळ करणे, तिळाचा घास जमिनीवर टाकणे, तीळ अर्पण करणे, तीळ मिसळलेले पाणी पिणे, तिळाचे दान करणे, मिठाई बनवणे व खाणे, तिळाच्या सहाय्याने भोजन करणे. शास्त्रानुसार ही एकादशी केल्याने कन्यादान करण्यासारखे पुण्य आणि हजारो वर्षांची तपश्चर्या व सवर्ण दान मिळते. या दिवशी तिळाचे दान केल्याने पापांचा नाश होतो आणि भगवान विष्णूची विशेष कृपा प्राप्त होते.

अशी करावे षट्तिला एकादशीचे व्रत

या व्रतासाठी सकाळी आंघोळ करून स्वच्छ वस्त्र परिधान करावे. यानंतर गंध, फुल, धूप, पान सहित भगवान विष्णूची सोळा सामग्रीने पूजा करावी. उडदाची डाळ व तिळाची खिचडी बनवून त्याचे नैवद्य भगवान विष्णूला दाखवावे. रात्री हवन करत 108 वेळा “ॐ नमो भागवते वासुदेवाय स्वाहा” या मंत्राचा जाप करावा. तसेच सुब्रह्मण्य नमस्तेस्तु महापुरुषपूर्वज, गृहाणाध्र्यं मया दत्तं लक्ष्म्या सह जगत्पते. या मंत्राचा जाप करत अर्घ्य द्यावे. त्यानंतर भगवान विष्णूची आरती करून तीळयुक्त भोजन करावे.

हे आहेत मुहूर्त…

या महिन्याच्या 27 जानेवारीला (गुरुवार) षट्तिला एकादशी असून या दिवशी रात्री 2 वाजून 16 मिनिटांनी एकादशी प्रारंभ होत आहे. तर 28 जानेवारीला (शुक्रवार) रात्री 11 वाजून 35 मिनिटांनी षट्तिला एकादशी तिथी समाप्त होत आहे. त्यानुसार षट्तिला एकादशीचे व्रत 28 जानेवारीला असेल. तर पारायण तिथी 29 जानेवारी (शनिवार) सकाळी 7 वाजून 11 मिनिट ते 9 वाजून 20 मिनिटांपर्यत राहील.