By clicking “Accept All Cookies”, you agree to the storing of cookies on your device to enhance site navigation, analyze site usage, and assist in our marketing efforts Cookies Policy.
Shravan 2022: अपत्य प्राप्तीसाठी श्रावण महिन्यात करा 'हा' विशेष उपाय, घरात लवकरच हलणार पाळणा!
Shravan 2022 : हिंदू धर्मामध्ये श्रावण महिन्याला (Shravan Month) अनन्य साधारण महत्त्व आहे. हिंदू पंचांगानुसार श्रावण महिना (Shravan 2022 Date) हा भारतीय सौर दिनदर्शिकेनुसार वर्षातला पाचवा महिना आहे. या महिन्याच्या पौर्णिमेला चंद्र श्रवण नक्षत्रात असतो, त्यावरून या महिन्याला श्रावण असे नाव मिळाले आहे. अपत्यप्राप्तीची इच्छा असणाऱ्यांनी श्रावण महिन्यात विशेष उपाय केल्यास त्यांना लाभ होऊ शकतो.
Shravan 2022 : हिंदू धर्मात श्रावण महिन्याला खूप महत्त्व आहे. संपूर्ण श्रावण महिन्यात भगवान शिव शंकराची (Lord Shiva) आराधना केली जाते. असे सांगितले जाते की, श्रावण महिन्यात शिव शंकराचा (Shiv Shankar) जन्म झाला होता. त्यामुळे शिव शंकराला श्रावण महिना (Shravan 2022 Date) अत्यंत प्रिय आहे. श्रावण महिन्यात भोले शंकर (Shravan Pooja Vidhi) आपल्या भक्तांला निराश करत नाही. भक्ताला जे-जे हवं असतं ते-ते त्याला मिळत असतं. शिवभक्ताची प्रत्येक मनोकामना पूर्ण होत असते.
Also Read:
तुमच्या मनात जी काही इच्छा असेल तर तुम्ही श्रावण सोमवारीच नव्हे तर संपूर्ण महिन्यात शिवलिंगाला जलाभिषेक घालू शकतात. जे दाम्प्त्य अपत्य प्राप्तीसाठी मनोकामना करत असतील, त्यांच्यासाठी श्रावण महिना अत्यंत महत्त्वाचा आहे. दाम्पत्याने श्रावण महिन्यात विशेष उपाय केल्यास त्यांना लाभ मिळू शकतो.
अपत्य प्राप्तीसाठी करू शकतात उपाय..
अपत्य प्राप्तीचा इच्छा असलेल्या भाविकांनी प्रत्येक श्रावण सोमवारी शिव मंदिरात जाऊन शिवलिंगावर शुद्ध तूप अर्पण करावे.नंतर गंगाजल मिश्रित पाण्याने अभिषेक करावा. विशेष म्हणजे ही पूजा पती-पत्नीने एकत्र करावी. जलाभिषेक करताना शिवशंकराला अपत्य प्राप्तीसाठी प्रार्थना करावी.
धन प्राप्तीसाठी करू शकतात उपाय..
तुम्ही आर्थिक संकटात सापडला असाल तर शिवशंकराची आराधना करू शकतात. ते तुमच्यावरील या संकटाचं लवकरच निवारण करू शकतात. श्रावण महिन्यात शिवलिंगवर दूध, दही, साखर, मध आणि शद्ध तुपाचा अभिषेक करावा. त्यानंतर जलाभिषेक करावा. जल अर्पण करत ‘ॐ पार्वतीपतये नमः’चा जप करावा. असे केल्याने भोलेनाथ आणि माता पार्वती दोन्हीही प्रसन्न होतात. तुमची आर्थिक अडचण दूर करतात.
विवाहातील अडथळे दूर करण्यासाठी करू शकतात उपाय
तुमच्या विवाहात अडथळे येत असतील तर तुम्ही हा उपाय करू शकतात. श्रावण महिन्याच्या प्रत्येक सोमवारी पिवळे वस्त्र परिधान करावे. शिव मंदिरात जाऊन शिवलिंगावर 108 बेलपत्र अर्पण करावे. ‘ओम नम: शिवाय’ या मंत्राचा जप करावा. असे केल्याने तुमच्या विवाहात येणारा प्रत्येक अडथळा दूर होण्यास मदत होईल.
(टीप – या लेखात दिलेली माहिती गृहितके आणि माहितीवर आधारित आहे. india.com याचे समर्थन करत नाही. अधिक माहितीसाठी तज्ज्ञांशी संपर्क साधा.)