Teeth Care Tips : तुम्हाला दातांशी संबंधित समस्या आहे का? मग करा 'हा' रामबाण उपाय

Teeth Care Tips : आपलं सौंदर्य उठून दिसण्यासाठी आपल्या दातांची भूमिका महत्त्वाची असते. त्यामुळे दातांचे आरोग्य सांभाळणे गरजेचे आहे. त्यानुसार जाणून घेऊया दातांच्या स्वच्छतेसाठी काही उपाय.

Teeth Care Tips : बाहेरचे खाल्ल्याने किंवा नीट साफ न केल्यामुळे दात कमकुवत (Dental Problems) होतात. व्यवस्थित साफ न केल्यामुळे दातांना कीड लागते आणि त्यातून रक्त येते. दाताच्या या समस्येमुळे लोकांना काहीही खाता येत नाही आणि नीट चावता देखील येत नाही. त्यामुळे दातांची नियमित स्वच्छता (Teeth Care Tips) केली पाहिजे. आजचा आमचा हा लेख याच विषयावर आहे. या लेखाच्या माध्यमातून आम्ही तुम्हाला दातांची काळजी कशी घ्यावी याविषयी माहिती देणार आहोत.

काही नैसर्गिक पद्धतीविषयी (Twig Benefits) सांगणार आहोत, त्यामुळे दातांच्या अनेक समस्यांवर सहज मात (Home Remedy) करता येते. आपल्या बाजूला अशी काही झाडे आहेत ज्यांच्या काडीचा उपयोग आपण दात स्वच्छ करण्यासाठी करू शकतो. त्यानुसार जाणून घेऊया कोण-कोणत्या झाडाची काडी दात घासण्यासाठी उपयुक्त ठरू शकते.

या झाडांच्या काड्या आहेत उपयुक्त

बाभळीची काडी-

बाभळीची काडी दात घासण्यासाठी तसेच कफ, पित्त, रक्त गोठणे इत्यादी अनेक समस्यांवर खूप फायदेशीर ठरते. बाभळीच्‍या आत एक प्रकारचा डिंक आढळतो, जो अकाली दात पडण्‍यास प्रतिबंध करतो. तसेच दातांची मजबूती टिकवून ठेवतो. यासह बाभळीच्या काडीचे अनेक औषधी गुणधर्म आहेत.

अर्जुना-

अर्जुनाच्या काडीमध्ये क्रिस्टलाइन एलिमेंट, अर्जुनॅटिन, लॅक्टोन आणि टॅनिकसारखे महत्त्वाचे घटक आढळतात. हे घटक रक्त शुद्ध करतात आणि हृदयविकारांपासूनही संरक्षण करू शकतात. अर्जुनाचा काडीचा दातांसाठी खूप उपयोग होतो.

वड-

वडाच्या काडीमधून निघणारा रस तुमच्या तोंडाला खराब बॅक्टेरियापासून वाचवतो. त्यामुळे तुम्ही ते नियमितपणे वडाच्या काडीने दात स्वच्छ करू शकता. वडाच्या काडीने दात स्वच्छ केल्यास श्वासाची दुर्गंधी आणि दातांच्या समस्या या दोन्हीपासून आराम मिळू शकतो.

कडुलिंब-

कडुलिंबाची काडी दात स्वच्छ करण्यासाठी खूप उपयुक्त आहेत. हिरड्या सुजणे, पायोरिया (रक्तस्राव), दातांमध्ये जंत, हिरड्या दुखणे, दातांची वक्रता अशा दातांच्या अनेक समस्यांवर मात करण्यासाठी कडुलिंबची काडी फारच उपयुक्त ठरते.

(टीप : लेखात दिलेला सल्ला ही सामान्य आणि उपलब्ध माहिती आहे. हे तज्ज्ञांचे मत नाही. त्यामुळे कोणताही उपाय करून पाहण्याआधी तुमच्या डॉक्टरांचा सल्ला नक्की घ्यावा)