Vijaya Ekadashi 2022: आज आहे विजया एकादशी? जाणून घ्या शुभ मुहूर्त आणि पूजा विधी
Vijaya Ekadashi 2022: हिंदू दिनदर्शिकेनुसार प्रत्येक महिन्यात दोन पक्षांत येणारी एकादशी लोकांसाठी खूप महत्त्वाची असते. या दिवशी लोक विधिपूर्वक एकादशीचे व्रत पूर्ण करतात. हे व्रत केल्याने भक्तांच्या सर्व इच्छा पूर्ण होतात आणि त्यांना सुख, समृद्धी आणि आरोग्याचे वरदानही मिळते.
Vijaya Ekadashi 2022: आज विजया एकादशी आहे. हिंदू दिनदर्शिकेनुसार प्रत्येक महिन्यात दोन पक्षांत येणारी एकादशी (Ekadashi) लोकांसाठी खूप महत्त्वाची असते. या दिवशी लोक विधिपूर्वक एकादशीचे व्रत पूर्ण करतात. हे व्रत (Ekadashi Vrat) केल्याने भक्तांच्या सर्व इच्छा पूर्ण होतात आणि त्यांना सुख, समृद्धी आणि आरोग्याचे वरदानही मिळते. फाल्गुन महिन्यातील (Phalgun Month) कृष्ण पक्षातील एकादशी आज साजरी केली जात आहे. या एकादशीला विजया एकादशी म्हणतात. या दिवशी विधिपूर्वक भगवान विष्णूंची (Lord Vishnu) पूजा केल्याने ते प्रसन्न होतात अशी श्रद्धा आहे.
Also Read:
विजया एकादशीच्या (Vijaya Ekadashi 2022) दिवशी प्रभू विष्णूची पूजा (Vishnu puja) करून निष्ठेने व्रत केल्यास भक्तांचे सर्व कामे पूर्ण होतात असे म्हटले जाते. तसचे यामुळे शत्रूंवर देखील विजय मिळतो. हे व्रत केल्याने माणसाला मोक्ष प्राप्ती होते अशी देखील मान्यता आहे. या दिवशी लोक मीठाचे सेवन करत नाहीत. जाणून घ्या यंदाच्या विजया एकादशीचा शुभ मुहूर्त कोणता आहे.
विजया एकादशी शुभ मुहूर्त (Vijaya Ekadashi 2022 Shubh Muhutra)
- फाल्गुन महिन्याच्या कृष्ण पक्षातील एकादशी म्हणजेच विजया एकादशी प्रारंभ – 26 फेब्रुवारी शनिवार सकाळी 10.39 वाजता
- फाल्गुन महिन्याच्या कृष्ण पक्षातील एकादशी समाप्ती – 27 फेब्रुवारी, रविवार सकाळी 8.12 वाजता
- उदय तिथीनुसार विजया एकादशीचे व्रत ठेवण्याची तारीख – 27 फेब्रुवारी, रविवार
- विजय काशीचा शुभ मुहूर्त – दुपारी 12.11 ते 12.57 वाजेपर्यंत
- विजया एकादशीच्या दिवशी राहुकाल – 4.43 ते 6.19 वाजेपर्यंत
- व्रत पारण वेळ 28 फेब्रुवारी, सकाळी 6.48 ते 9.06 वाजेपर्यंत
(या तारखा पंचांगानुसार दिल्या आहेत.)
विजया एकादशी पूजा विधी (Vijaya Ekadashi 2022 Pooja Vidhi)
या दिवशी एका कलशावर भगवान श्रीहरीची स्थापना करा. त्यानंतर प्रभूंची पूजा करावी. कपाळावर पांढरे चंदन किंवा गोपी चंदन लावून पूजा करावी. श्री विष्णूंना पंचामृत, फुले आणि हंगामी फळे अर्पण करा. या दिवशी उपवास करणे चांगले असते. संध्याकाळी देवाची आरती करावी. दुसऱ्या दिवशी सकाळी तोच कलश व अन्नधान्य दान करावे. विजया एकादशीच्या व्रतामध्ये भात आणि जड अन्नाचे सेवन करू नये. रात्रीच्या पूजेला विशेष महत्त्व आहे. या दिवशी रागावू नका, कमी बोला आणि आचरणावर नियंत्रण ठेवा.
(टीप – या लेखात दिलेली माहिती गृहीतके आणि उपलब्ध माहितीवर आधारित आहे. अधिक माहितीसाठी तज्ञांशी नक्की संपर्क करा.)
ब्रेकिंग न्यूज आणि लाइव्ह अपडेट्ससाठी आम्हाला फेसबुकवर लाईक करा , तसेच ट्विटरवर देखील फॉलो करा. India.Com वर सविस्तर वाचा इतरही ताज्या बातम्या