BMC Budget 2022 : आज सादर होणार मुंबई महापालिकेचा अर्थसंकल्प, बजेटबाबत मुंबईकरांना उत्सुकता

BMC Budget 2022 : आशिया खंडातील सर्वात मोठी महापालिका मुंबई मनपाचा 2022-23 वर्षाचा अर्थसंकल्प आज सादर होणार आहे. काही दिवसांवर महापालिकेच्या निवडणुका येऊन ठेपलेल्या असल्याने या अर्थसंकल्पाची उत्सुकता वाढली आहे.

BMC Budget 2022 : आशिया खंडातील सर्वात मोठी महापालिका मुंबई मनपाचा 2022-23 वर्षाचा अर्थसंकल्प (Mumbai Municipal Corporation’s budget 2022) आज सादर होणार आहे. काही दिवसांवर महापालिकेच्या निवडणुका (Municipal elections) येऊन ठेपलेल्या असल्याने या अर्थसंकल्पाची उत्सुकता वाढली आहे. आयुक्त इक्बालसिंह चहल (Iqbal Singh Chahal) कोरोना महामारीचे संकट कायम असताना या बजेटबाबतमध्ये काय घोषणा करतात याकडे सर्व स्तरावरील मुंबईकरांचे लक्ष लागले आहे.

मागील वर्षी महापालिकेचा अर्थसंकल्प (BMC Budget 2022) 39 हजार 38 कोटी रुपयांचा होता. सध्याच्या सभागृहाचं हे अखेरचं बजेट असेल. त्यामुळे या बजेटमध्ये आगामी निवडणुकांच्या पार्श्वभूमीवर काय काय असणार याबाबत उत्सुकता वाढली आहे. ७ ते ८ टक्क्यांची वाढ होण्याची शक्यता आहे.

महापालिकेचे अनेक महत्त्वाकांक्षी प्रकल्प आहेत. त्यामध्ये वरळी ते नरिमन पॉईंटपर्यंतचा कोस्टल रोड, मुलुंड गोरेगाव जोड रस्ता आणि समुद्राचे खारे पाणी गोडे करण्याचा प्रकल्पांचा समावेश आहे. कोस्टल रोडचे काम सध्या सुरू आहे, तर समुद्राचे पाणी गोडे करण्याच्या प्रकल्पासह मुलुंड, गोरेगाव जोडरस्त्यातील भुयारी मार्गाचं काम देखील येत्या आर्थिक वर्षात सुरु होईल अशी अपेक्षा आहे.