मुंबई : आरोग्य विभाग भरती परीक्षेच्या तारखां (Health department recruitment exams)अखेर जाहीर करण्यात आल्या आहेत. आरोग्यमंत्री राजेश टोपे यांनी भरती परीक्षांच्या तारखांची घोषणा केली आहे. येत्या 24 ऑक्टोबरला ‘क’ गट भरती परीक्षा तर 31 ऑक्टोबरला ‘ड’ गट भरती परीक्षा घेण्यात येणार आहे. तसेच या परीक्षांसाठी नोंदणी केलेल्या उमेदवारांना 9 दिवसांपूर्वी हॉल तिकीट दिलं जाईल असे देखील आरोग्यमंत्र्यांची स्पष्ट केले आहे. (Breaking News Live Updates: Health department recruitment exams dates announced by Health Minister Rajesh Tope)Also Read - धक्कादायक! अकोल्यात 8 महिन्यांच्या चिमुरडीला दिलं HIV संक्रमीत रक्त, आरोग्यमंत्री म्हणाले...
आरोग्य विभागाच्या गट-क आणि ड संवर्गातील 6205 पदांसाठी 25 आणि 26 सप्टेंबरला लेखी परीक्षा घेतली जाणार होती. परंतु ऐनवेळी ही परीक्षा पुढे ढकलण्यात आली. यामुळे विद्यार्थ्यांमध्ये संतापाचे वातावरण निर्माण झाले.यानंतर आरोग्यमंत्री राजेश टोपे यांनी या परीक्षांसंदर्भात महत्वपूर्ण माहिती दिली आहे. या परीक्षांच्या नव्या तारखा निश्चित झाल्या असून आता गट – क संवर्गाची परीक्षा 24 ऑक्टोबर व गट – ड संवर्गाची परीक्षा 31 ऑक्टोबर रोजी घेण्यात येणार आहे. आरोग्य विभाग व न्यासा कंपनीच्या अधिकऱ्यांमध्ये सोमवारी झालेल्या बैठकीत हा निर्णय घेण्यात आला आहे.(Breaking News Live Updates: Health department recruitment exams dates announced by Health Minister Rajesh Tope) Also Read - ...तर महाराष्ट्रात पुन्हा Lockdown, आरोग्यमंत्री राजेश टोप यांनी दिली महत्त्वाची माहिती
सु्ट्टी असल्यामुळे रविवारी परीक्षा
रविवार असल्यामुळे शाळा उपलब्ध असतील, त्या अनुषंगाने या तारखा ठरवण्यात आल्या असल्याची माहिती आरोग्यमंत्री राजेश टोपेंनी दिली आहे.तसेच बैठकीत अन्य बाबींवर देखील चर्चा झाली. त्यामध्ये डॅशबोर्ड केला पाहिजे, त्यावर सगळ्या परीक्षा केंद्रांची यादी दिली पाहिजे, विद्यार्थ्यांची यादी डॅशबोर्डवर दर्शवली गेली पाहिजे, अशा सूचना देण्यात आल्याची माहिती आरोग्यमंत्री टोपे यांनी दिली आहे. कोणत्याही अफवेवर विश्वास ठेवू नका, मोठ्या भरतीची परीक्षा असेल, तर त्यामध्ये अनेक वावड्या उठवल्या जातात किंवा काही जण चुकीचं काम करतात, त्यावर अत्यंत कठोर कारवाई व्हावी अशा सूचनाही देण्यात आल्याचे आरोग्यमंत्री टोपे यांनी सांगितले. Also Read - Shala kadhi Suru Honar: राज्यात शाळा सुरू करण्यासंदर्भात Task Force नं दिला मोठा इशारा
गैरमार्गाचा वापर केल्यास कठोर कारवाई
परीक्षा पारदर्शी व्हाव्यात, यामध्ये कोणतीही गडबड होणार नाही याची काळजी आम्ही घेत असल्याचं आरोग्यमंत्र्यांनी सांगितले आहे. काही जण चुकीचं काम करतात, काही गैरमार्गाचा वापर करतात, अशा स्वरुपाची कोणी मागणी केली तर त्या विद्यार्थ्याने किंवा पालकांनी संबंधित पोलीस स्थानकात तक्रार दाखल करावी, असे आवाहनही आरोग्यमंत्र्यांनी केले आहे. (Breaking News Live Updates: Health department recruitment exams dates announced by Health Minister Rajesh Tope)