CNG-PNG Price: दिलासादायक! ठाकरे सरकारचा मोठा निर्णय, एप्रिलपासून राज्यात सीएनजी-पीएनजी स्वस्त होणार!

CNG-PNG Price: येत्या 1 एप्रिलपासून राज्यात सीएनजी आणि पीएनजी आणखी स्वस्त होणार आहे. राज्य सरकारच्या या महत्वपूर्ण निर्णयामुळे सीएनजी गॅसवर वाहन चालवणाऱ्यांना दिलासा मिळाला आहे.

CNG-PNG Price : महागाईमुळे (Inflation) सर्वसामान्य जनता त्रस्त झाली आहे. अशामध्ये या जनतेसाठी थोडीशी दिलासा देणारा बातमी आहे. ठाकरे सरकारने (Thackeray Government) संकुतिच नैसर्गिक वायू म्हणजेच सीएनजीवरील (CNG) कर 10 टक्के कमी केला आहे. त्यामुळे येत्या 1 एप्रिलपासून राज्यात सीएनजी आणि पीएनजी (CNG-PNG) आणखी स्वस्त होणार आहे. राज्य सरकारच्या (Maharashtra Government) या महत्वपूर्ण निर्णयामुळे सीएनजी गॅसवर वाहन चालवणाऱ्यांना दिलासा मिळाला आहे.

राज्याचे उपमुख्यमंत्री आणि अर्थमंत्री अजित पवार (Deputy CM Ajit Pawar) यांनी अर्थसंकल्पामध्ये (Budget Session 2022) घोषणा केल्याप्रमाणे सीएनजीवरील मुल्यवर्धित कराचा दर 13.5 टक्क्यांवरुन 3 टक्के इतका कमी केल्याची अधिसूचना शुक्रवारी केली होती. आज अर्थसंकल्पीय अधिवेशनाच्या शेवटच्या दिवशी सरकारने अधिसूचना जारी केली. अजित पवार यांच्या नेतृत्वाखालील वित्त विभागाने अधिसूचना जारी केली होती. या अधिसूचनेनुसार 1 एप्रिलपासून राज्यात सीएनजी आणि पीएनजीचे सुधारित दर लागू होणार आहेत.

अजित पवार यांनी सांगितले की, ‘पेट्रोल डिझेलवरील करात कोणताही बदल झालेला नाही. त्यामुळे पेट्रोल डिझेलवरील कर कमी होण्याची शक्यता धुसर आहे. म्हणूनच गॅसवरचा कर कमी केला आहे. तसंच, ‘रशिया युक्रेन युद्धामुळे पेट्रोल आणि डिझेल महागच होणार, असे संकेत अजित पवार यांनी दिले आहेत. इंधन महाग होणार म्हणूनच गॅसवरचा कर कमी केला आहे, असे देखील ते म्हणाले.

दरम्यान, नोव्हेंबर महिन्यात केंद्र सरकारने पेट्रोल डिझेलवरचं उत्पादन शुल्क कमी केले होते. तेव्हापासून राज्यातही कर कमी करण्याची मागणी केली जात आहे. अर्थसंकल्पात नैसर्गिक वायूवरील कर 10 टक्के कमी करण्यात आला आहे. पण पेट्रोल डिझेलवरील करात कोणताही बदल झालेला नाही. त्यामुळे पेट्रोल-डिझेलच्या दरात कोणताही बदल झालेला नाही फक्त सीएनजी आणि पीएनजी स्वस्त होणार आहे.