Navneet Rana यांच्या आरोपांना पोलीस आयुक्त संजय पांडे यांचं पुराव्यासह उत्तर, शेअर केला व्हिडिओ

Navneet Rana Case: खासदार नवनीत राणा मुंबई यांनी पोलिसांवर केलेल्या गंभीर आरोपांना मुंबईचे पोलिस आयुक्त संजय पांडे यांनी पुराव्यासह उत्तर दिले आहे. पांडे यांनी नवनीत राणांच्या आरोपांची पोलखोल करणारा एक व्हिडिओ शेअर केला आहे. यात राणा दाम्पत्य पोलिस स्थानकात बसून चाहा पिताना दिसत आहे.

Navneet Rana Case: हनुमान चालीसा पठन प्रकरणी न्यायालयीन कोठडीत (Judicial custody) असलेल्या अमरावतीच्या खासदार नवनीत राणा (Amravati MP Navneet Rana) यांनी पोलिसांवर केलेल्या गंभीर आरोपांना मुंबईचे पोलिस आयुक्त संजय पांडे (Police Commissioner Sanjay Pandey) यांनी पुराव्यासह उत्तर दिले आहे. पोलिसांनी आपल्याला अपमानास्पद वागणूक दिली, तसेच मागासवर्गीय असल्याने पाणी देखील दिलं नाही असे गंभीर आरोप (Navneet Rana’s allegations) केले होते. त्यानंतर पोलिस आयुक्तांनी त्यांचे या आरोपांची पोलखोल करणारा एक व्हिडिओ शेअर (Sanjay Pandey shared video) केला आहे. यात राणा दाम्पत्य पोलिस स्थानकात बसून चाहा पिताना दिसत आहे आणि त्यांच्यासमोर पाण्याची बॉटल देखील दिसत आहे.

खासदार नवनीत राणा यांनी केलेल्या या गंभीर आरोपांनंतर मुंबईचे पोलिस (Mumbai Police) आयुक्त संजय पांडे यांनी ट्विटरवर एक व्हिडिओ शेअर केला आहे. यात खासदार नवनीत राणा आणि रवी राणा (Ravi Rana) हे दाम्पत्य पोलीस स्थानकात पोलिसांच्या टेबल समोर खुर्चीत बसून चाहा पीत असल्याचे दिसत आहे. तसेच त्यांच्यासमोर पाण्याची बाॉटल देखील दिसत आहे. हा व्हिडिओ शेअर करून पांडे यांनी आणखी काही म्हणण्याची गरज आहे का? असे कॅप्शन दिले आहे. पांडे यांनी हा व्हिडिओ शेअर करून मुंबई पोलिसांना राणा दाम्पत्याला पोलीस स्थानकात कशी वागणूक दिली याचा पुरावाच सादर केला आहे.

Do we say anything more pic.twitter.com/GuUxldBKD5

— Sanjay Pandey (@sanjayp_1) April 26, 2022

काय केले होते आरोप

खासदार नवनीत राणा यांनी लोकसभा अध्यक्ष ओम बिर्ला यांना पत्र लिहून मुंबई पोलिसांनी आपल्याला वाईट वागणून दिल्याची तक्रार केली आहे. “मी 23 एप्रीलची रात्र पोलीस ठाण्यात काढली. रात्रभर मी पिण्यासाठी पाणी मागितलं, पण मला पाणी देण्यात आलं नाही. मी खालच्या जातीची असल्याने पोलिसांनी मला ते ज्या ग्लासात पाणी पितात त्या ग्लासात पाणी दिलं नाही. पोलसांनी माझ्या जातीचा उल्लेख केला. मला रात्री शौचालयाला जायचं होतं, परंतु माझ्या या मागणीकडे दुर्लक्ष करण्यात आलं, पोलिसांनी मला शिवीगाळ केली. तसेच आम्ही खालच्या जीतीतील लोकांना कर्मचाऱ्यांचं शौचालय वापरु देत नाही असेही पोलीस म्हणाले, मला माझ्या जातीमुळे मुलभूत अधिकारांपासून दूर ठेवण्यात आलं” असे गंभीर आरोप खासदार राणा लोकसभा अध्यक्षांना लिहिलेल्या पत्रात केले आहेत.

राणा दाम्पत्याची रवानगी कारागृहात

दरम्यान मुंबईत मातोश्री निवासस्थानासमोर हनुमान चालीसा वाचन प्रकरणात खासदार नवनीत राणा आणि त्यांचे पती रवी राणा या दोघांना पोलिसांनी अटक केली होती त्यानंतर न्यायालयाने त्यांना न्यायालयीन कोठडी सुनावली. त्यानंतर त्यांची रवानगी भायखळा आणि तळोजा कारागृहात करण्यात. दरम्यान, नवनीत राणा यांनी लोकसभा अध्यक्ष ओम बिर्ला यांना पत्र लिहून ठाकरे सरकार आणि महाराष्ट्र पोलिसांविरुद्ध गंभीर आरोप करत तक्रार केली आहे.