Uddhav Thackeray Birthday: LIC मध्ये काम करणाऱ्या मुली सोबत लग्न, अशी आहे उद्धव ठाकरेंची लव्ह स्टोरी

Uddhav Thackeray Birthday: शिवसेना पक्षप्रमुख उद्धव ठाकरे 27 जुलै रोजी आपला 62 वा वाढदिवस साजरा करत आहे. त्यांनी 20 वर्षांपूर्वी वडिलांचा म्हणजेच दिवंगत शिवसेनाप्रमुख बाळासाहेब ठाकरे यांचा राजकीय वारसा हाती घेतला.

Uddhav Thackeray Birthday: महाराष्ट्राचे माजी मुख्यमंत्री आणि शिवसेना पक्षप्रमुख उद्धव ठाकरे (Uddhav  Thackeray) 27 जुलै रोजी आपला 62 वा वाढदिवस (Uddhav Thackeray Birthday 2022) साजरा करत आहे. 27 जुलै 1960 रोजी जन्मलेले उद्धव ठाकरे यांनी 20 वर्षांपूर्वी वडिलांचा म्हणजेच दिवंगत शिवसेनाप्रमुख बाळासाहेब ठाकरे (Balasaheb Thackeray) यांचा राजकीय वारसा हाती घेतला. तत्पूर्वी त्यांना फोटोग्राफीमध्ये रस होता. असे असताना राजकरणात येत शिवसेना नेते, शिवसेना प्रमुख ते मुख्यमंत्री असा प्रवास त्यांनी केला. राजकारणाप्रमाणे त्यांचं खासगी (Uddhav Thackeray Lifestyle) आयुष्य देखील रंजक आहे. वाढदिवसानिमित्त जाणून घेऊया त्यांच्याविषयी अधिक माहिती.

फोटोग्राफीची आवड

माजी मुख्यमंत्री उद्धव ठाकरे हे पर्यावरण प्रेमी तसेच उत्कृष्ट फोटोग्राफर आहे. राजकारणात येण्यापूर्वी उध्दव ठाकरे पर्यावरणाची आवड जोपासत होते. तसेच निसर्ग आणि वन्यप्राण्यांचे फोटो काढण्याची त्यांना आवड होती. ते उत्तम फोटोग्राफर आहेत. वाईल्ड लाईफ फोटोग्राफीची त्यांना फार आवड असून यात त्यांनी आपली वेगळी ओळख निर्माण केली आहे. त्यांनी काढलेल्या वन्यप्राण्यांचे फोटोग्राफ पाहुन आपल्याला याची प्रचीती येते.

अशी झाली रश्मी ठाकरे यांच्याशी भेट

असे म्हणतात प्रत्येक यशस्वी पुरुषच्या मागे स्त्रीचा हात असतो. त्याचप्रमाणे उद्धव ठाकरे यांच्या वाटचालीत त्यांच्या पत्नी रश्मी ठाकरे यांची महत्त्वाची भूमिका आहे. प्रत्येक परिस्थितीत रश्मी ह्या उद्धव ठाकरेंसोबत खंबीरपणे उभे राहतात. रश्मी ठाकरे आणि  उद्धव ठाकरे यांची पहिली भेट कशी झाली जाणून घेऊया. रश्मी ठाकरे यांचा जन्म डोंबिवलीतील माध्यम वर्गीय कुटुंबात झाला. त्यांचं माहेरचं आडनाव पाटणकर आहे. त्या 1987 मध्ये कंत्राटी पद्धतीने LIC मध्ये नोकरी करत  होत्या. नोकरी करत असतानाच त्यांची राज ठाकरे यांची बहीण जयवंती ठाकरे यांच्याशी मैत्री झाली. जयवंती यांनी रश्मी आणि उद्धव ठाकरे यांची भेट घालून दिली. या ओळखीचे रूपांतर मैत्रीत झाले आणि दोघांची मने जुळल्यानंतर 13 डिसेंबर 1988 रोजी रश्मी आणि उद्धव ठाकरे विवाहबंधनात अडकले.

असे आहे कुटुंब

रश्मी आणि उद्धव ठाकरे यांना आदित्य आणि तेजस ही दोन मुलं आहेत. आदित्य ठाकरे शिवसेनेचे युवासेना अध्यक्ष तसेच आमदार आहे. मावळत्या ठाकरे सरकारमध्ये ते मंत्री देखील होते. दुसरा मुलगा तेजस अमेरिकेत शिक्षण घेत आहे. आपल्या वडिलांच्या आणि भावाच्या तुलनेत तेजस हा राजकारणापासून दूर आहे.